疫情衝擊之下，好多酒店都要推出各種優惠，小編發現就連五星級既酒店都要推出月租優惠，當中例如位於尖沙咀的帝苑酒店，只要透過官網直接預訂，並連續入住 30 晚或以上，月租只需 HK$16,800 （已包加一連服務費），除番開每晚都只係 HK$560，以五星級酒店黎講真係叫做「抗疫價」喇，以前無一千蚊都住唔到一晚。而小編報導得，當然唔單止價錢平咁簡單，月租優惠每日仲有新鮮滾熱營養老火靚湯送，而酒店地點位於方便既尖沙咀喎，附近返工真係車錢都慳埋，對有需要搵短租的讀者黎講，值得考慮。
月租還有多項額外優惠包括每日免費客房迷你酒吧、每星期提供的時令水果碟、每日客房清潔服務，除此之外，於酒店內的所有餐廳單點菜式，以及 Vanity Salon 剪髮都會有 7 折優惠。如果想房內用餐，可以用 HK$110（每次）於房內享用早餐或午餐便當。
月租優惠必需最少入住 30 晚，如果想入住超過 30 晚的話，之後的晚數會按照比例計算，適用入住日期至 9 月 30 日。
客房有 322 呎，有雙人床或兩張單人床可選擇，房內備有 WiFi 、保險箱、衛星電視、LED液晶電視等。
於酒店內的餐廳包括東來順、四季菊、帝苑軒、Le Soleil、Sabatini 用餐單點菜式可享 7 折等。
每日老火靚湯
午餐便當 (有 4 種午餐便當可供選擇 )
– 11歲以下的兒童如不需要另外加床可免費入住。
– 12歲或以上的兒童將按成人標準收費並必須繳付額外加床費用。
– 18歲以下兒童需由成人陪同方可入住。
帝苑酒店
地址：尖沙咀東部麼地道 69 號
