想搵交通方便嘅九龍區月租酒店？但又唔想間房太細？咁就跟住我地 RunHotel 一齊去睇睇位於尖沙咀彌敦道的恆豐酒店月租房型同酒店設施啦～

恆豐酒店(Prudential Hotel) 正正就位於港鐵佐敦站上蓋，由 E 出口步行約 3 分鐘即可到達，而且酒店大堂連接著商場，落雨出門都唔洗怕淋濕，超級方便！現時酒店月租房型有兩款，分別是高級客房同帶露台的複式套房，兩間房型都好闊落，擺埋瑜珈墊做運動都夠位，仲罕見設有吸煙樓層。而我地亦為大家爭取咗「Runhotel 讀者優惠」，預訂高級客房可以享有 95 折，連續入住 30 晚只需 HK$9,975 起，仲可以免費升級至城市景觀豪華客房 ( 需視乎酒店房間供求情況而定)。房價已經包每週 1 次房間清潔、免費寬頻上網、免費延遲退房至下午 2 點等，亦可以優惠價購買指定中式或西式外賣自取美食套餐，住高級客房的話，仲有每月一次免費享用雙人早餐套餐及下午茶套餐、每月一次總值港幣 $500 的專業洗衣、乾洗及熨衣服務(消費金額以洗衣價目表上價錢及加一服務費後計算，每月只能使用一次，如有餘額將不設退款、不能累積或留待下次使用)。由 6 月 15 日起，入住高級客房期間享用精選早餐套餐仲有半價優惠；而享用自助午餐及自助晚餐，均可獲餐廳基本折扣額外5%優惠 (受有關條款及細則約束)。

在酒店設施方面，除了有健身室同露天泳池呢啲基本設施之外，就連高爾夫球練習區都有，全部都係免費俾住客使用。值得一提的是，酒店依家以月租客為主，比較少有來 Staycation 的客人，所以整體環境都相對靜一啲，好適合長住。

房間類別和月租價錢
高級客房 – 入住 30 晚原價 $10,500（Runhotel 讀者價 $9,975）
複式套房 – 入住 30 晚原價 $16,500（Runhotel 讀者價 $16,170）
*查詢時告知酒店是 Runhotel 讀者價，可享有特別折扣，月租價錢有機會因供應而隨時調整，一切以酒店公佈的價錢為準。
查詢電話：2311 1307

▼由港鐵佐敦站 E 出口，經商場步行約 3 分鐘即可到達酒店大堂

高級客房

首先帶大家睇睇高級客房
面積：240 平方呎
月租(30 晚)價錢：Runhotel 讀者價 HK$9,975 (原價 HK$10,500)

▼高級客房設有書枱、梳化、電視同兩張單人床。

▼窗口望出去係佐敦街景

▼床頭有鬧鐘同電話

▼衣櫃內有夾萬、行李架同拖鞋，櫃門仲有全身鏡。

▼洗手間有浴缸可以浸浴。

▼風筒同化妝鏡設於洗手盤兩邊位置

▼酒店會每週打掃房間 1 次，包括會更換毛巾同個人清潔組合

複式套房

跟住就帶大家睇睇位於最頂層 16 樓的複式套房
面積：390 平方呎
月租(30 晚)價錢：Runhotel 讀者價 HK$16,170 (原價 HK$16,500)

▼複式套房樓高約 14 呎，下層是客廳、露台同洗手間，而上層就有睡房。最好就係有超大落地玻璃窗，採光好之餘又有空間感。

▼可以喺露台位置享受新鮮空氣和開揚景觀。

▼透明旋轉式樓梯連接上下層

▼上層有電視、梳妝枱同一張雙人床

酒店設施

▼由於疫情關係需要保持社交距離，位於 16 樓的健身室內暫時只有三台機器。另外，健身室內亦備有飲水機、更衣室同電視。

▼住客可以免費使用位於天台的高爾夫球練習區，側邊仲有個空中花園可以 Hea 下。

▼天台亦有六十呎長露天游泳池（因冬季檢查現正關閉，並將於2021年3月中旬重新開放。）

▼複式套房的樓層仲有公共休憩空間，提供報紙、雜誌免費取閱

▼月租住客可以半價優惠享用精選早餐套餐、自助午餐、自助晚餐 (只適用於每房最多兩位賓客，不適用指定日期及特別日子)。

Runhotel 讀者優惠
由即日起至 2021 年 3 月 31 日，預訂時說明「Runhotel 網站優惠」，最平高級客房連續入住 30 晚原價 HK$10,500（95 折後 HK$9,975），仲可以免費升級至城市景觀豪華客房 ( 需視乎酒店房間供求情況而定)。而複式套房連續入住 30 晚原價 HK$16,500（98 折後 HK$16,170)，價格已包括服務費。

查詢電話：2311 1307，更多恆豐酒店月租資料，可參考：https://rent.runhotel.hk/property/prudential-hotel/

恆豐酒店
地址：九龍尖沙咀彌敦道 222 號