Staycation 住酒店大家一定有去過，不過講到「月租酒店」，發覺好多人都有些誤解，誤以為平時住酒店一定提供物品，月租都一定會有提供，所以 Runhotel 編輯部今次就寫這一篇，給各位有需要備準短租或長租酒店的讀者參考一下，日租酒店和月租酒店的分別。

1. 什麼是「月租酒店」？

說得上月租酒店，當然入住日數最少 30 日或以上，才算是月租，一般訂房網站（例如 Agoda、Expedia）都不能訂超過一個月。所以好多酒店的「月租 Package」都需要聯絡酒店去預訂的，所以就會跟一般大家訂酒店所包的內容會有分別。

2. 每日執房？

最明顯的分別，就是執房的次數。因為月租的客人未必需要每日執房的服務，所以大多數酒店的月租 Package 只會提供每星期一至兩次清潔房間服務，亦有少數酒店會列明一週提供一至兩次更換床單及毛巾服務，但月租每日執房真係極少數。還有月租一般都唔會提供洗頭水、沐浴露、牙膏、牙刷等日用品，都需要住客自備。

3. 月租酒店可以先參觀嗎？

月租酒店同平時租樓一樣，係可以聯絡酒店先去參觀一下房間再決定！依家有唔少酒店都會定期舉辦月租開放日，客人於參觀開放日當天簽約仲會有額外優惠，包括租金折扣、免費送酒店消費額等都有，想知各大酒店最新月租開放日資訊可以去「月租開放日」這一頁查看。不過唔一定開放日先可以去參觀，有興趣的話都可以主動聯絡酒店參觀房間。

▼租前想先參觀可以主動聯絡酒店約時間

 4. 月租一定包水電、房間上網？

基本上現時大部份酒店的月租計劃都會包水電及上網，但有個別一兩間酒店亦曾經有推出過唔包 Wi-Fi 或唔包電費的長期住宿計劃。例如位於佐敦的木的地.R 服務式住宅就要每月按用量自付電費。所以大家在租之前，都可以先睇清楚房價包括項目，或者直接問酒店客房包唔包水電及上網等費用。

5. 月租酒店只包 30 晚?

好多酒店月租計劃都是用 30 晚來做計算單位，部份酒店提供的長期住宿計劃更只有 28 晚 或 29 晚，所以如果某些月份有 31 日，或入住幾個月以上，呢個情況住客就機會需要自費額外多出的入住晚數。

6. 月租酒店可以帶寵物?

暫時可以帶寵物的月租酒店不多，主要有維港凱悅尚萃酒店及麗晶軒服務式住宅呢兩間。首先是可以帶狗狗入住的維港凱悅尚萃酒店，月租 $29,970 起，包每日客房清潔、85折餐飲、狗狗歡迎禮包等，附近還有北角海濱寵物公園可以散步，詳情可按此。

▼維港凱悅尚萃酒店標準客房

另外，麗晶軒服務式住宅的彈性更大，不只貓狗可以入住，仲可以帶兔仔、龜、龍貓等寵物入住，30 晚月租 $15,000 起，包水、電、煤、星期一至五的基本房間清潔、逢星期二、五更換床單及毛巾，房內有齊雪櫃、微波爐、煮食空間及爐具，仲會送寵物用品套裝一份，詳情可按此。

▼麗晶軒服務式住宅行政套房

7. 月租酒店價格浮動？

一般人認為酒店房價會因為節日或假期而每日價錢不同，或每個月浮動。其實月租酒店的價格都是按簽約時價錢每月固定收費，不會因為任何事在租約期突然加租，以逸．酒店月租為例，就有月租 Package 保證租金鎖定長達 2 年不變。

8. 煮食問題？

有部份酒店房內會提供無火煮食爐，如微波爐、蒸焗爐等煮食用具，想知香港有幾多間酒店提供煮食用具，可以去以下網址：https://bit.ly/3aROH97

▼部份酒店房內會提供電磁爐、微波爐可煮食

9. 屋企裝修，可以搬部份傢俬去酒店房嗎？

全部酒店都不可以搬傢俬入酒店房。

10. 邊度可以一次過搵晒所有月租酒店優惠?

為方便大家可以一次過睇晒所有月租優惠，RunHotel 編輯部團隊已經將香港月租酒店優惠及服務式住宅優惠放晒入「搵月租酒店網站」 Rent.Runhotel.hk ，網站會定期更新最新價錢之餘，仲有 RunHotel 獨家優惠提供！依家網站有超過 70 間酒店的月租優惠，稱得上是全香港最齊的酒店月租資訊網站。

詳細網站使用教學可以睇呢篇：【香港第一個專門搵月租酒店網站】價錢一目了然，仲有 Runhotel 獨家折扣，幫你慳到最盡